HP ka zgjeruar ofertën e vet të laptopëve premium Envy me dy modele të reja të diagonaleve 14 e 17 inç dhe komplet të mirë harduerësh.
Të dy laptopët ndajnë bazën e njëjtë harduerike dhe ofrojnë përzgjedhje të procesorëve Core i5 e i7, grafikë ATI Mobility Radeon 5830 e 5850, ekrane me rezolucion të lartë dhe sistem zërimi Beats Audio të zhvilluar në bashkëpunim me “Beats by Dr. Dre”.
Më interesant prej tyre është modeli 17 inçësh i cili mbështet edhe teknologjinë Eyefinity, deri në 2 terabajt hapësirë disku dhe deri në 8 gigabajt memorie punuese.
Tastiera është e ndriçuar në të dyja modelet të cilat dalin në shitje në fund të këtij muaji. Çmimi fillestar për versionin 17-inçësh është 1.400 dollarë.